| प्रेश विज्ञप्ती |
 |
 |
 |
| Saturday, 30 January 2010 05:44 | |||
|
मिति- २०६६/१०/१५ नेपालका सम्पुर्ण आदिवासी जनजातिहरुको साझा संगठन नेपाल आदिवासी जनजाति महासंघको सातौ राष्ट्रिय महाधिवेशन संघिय परिषदको बैठकले तोकेको मितिमा सम्पन्न हुन विशेष कारणले नसकेको कुरा सबै आदिवासी जनजाति तथा सम्बन्धित जातिय संस्थालाई अवगत भएको हुन पर्छ । आज देश गम्भिर परिस्थिति बाट गुज्रीरहेको र यस वेला आदिवासी जनजातिले खोजेका अधिकार सहितको विभिन्न राज्य/प्रदेशहरु निर्माण गर्ने क्रममा हुन गईरहेको महाधिवेशन निश्चय पनि सर्बाधिक चासो र महत्वपुर्ण हुनेछ भन्ने सबै आदिवासी जनजातिहरुले सोचिरहेको छौ । यसै सन्दर्भमा पौष २५ गते हुने भनिएको सातौ महाधिवेशन बन्द, हडताल, राजनैतिक, अस्थिरता जस्ता विशेष परिस्थितिले गर्दा स्थगित हुन पुग्दा हामी सबै आदिवासी जनजाति एंव जातीय संस्थाहरुलाई स्वभाविक रुपले दुखित तुल्याएको छ तर देशको जस्तोसुकै परिस्थिति भए पनि करोडौ आदिवासी जनजातिहरुको साझा र आदिवासी जनजातिहरुको भावि रणनीती र योजना निर्माण गर्ने संस्थालाई जिवन्त्ता र निरन्तरता दिन अति आवश्यक भएकोले महासंघको सचिवालयको २०६६ माघ ११ गते वसेको बैठक द्धारा यही मिति २०६६ साल चैत्र २१, २२ र २३ गते महासंघको सातौ महाधिवेशन काठमाण्डौमा सम्पन्न गर्ने निर्णय भएकोले सम्बन्धित सबै आदिवासी जनजाति एंव जातीय संस्थाहरुलाई जानकारी गराउदछु र यसै अनुसार महासंघको महाधिवेशनमा तयारी हुनको लागि पनि सबैलाई अनुरोध गर्दछु । ………………….... राम बहादुर थापामगर महासचिव
|