१. शुभकामना

सर्व प्रथम विश्व आदवासी दिवस २०६७ को पवन आवसरमा नेपालका डेढ करोड आदिवासी जनजातिहरुको तर्फबाट नेपाल आदिवासी जनजाति महासंघ यहाँ र यहाँका सपरिवार, स्वदेश तथा विदेशमा रहनु भएका सम्पूर्ण नेपाली दिदिवहिनी तथा दाज्युभाईहरु, विश्वाका आदिवासी जनजातिहरु र विश्वका न्याय प्रमी जनसमुदयहरुलाई हार्दिक मंगलमय शुभकामना व्यक्त गर्दछौ। 

२ निमन्त्रणा

विश्व आदिवासी दिवस२०६७ को उपलक्ष्यमा मिति २०६७ श्रावण २२ गते अनमोल क्याटरिङ नयाँ बानेश्वरमा आयोजित जलपान कार्यक्रममा यहाँ, यहाँका सपरिवार तथा मित्रजनहरूको गरिमामय उपस्थितिको लागि हार्दिक आमन्त्रण गर्दछौं। 

३ अपिल

साथै अन्तरिम संविधानले घोषणा गरिसकेका धर्म निरपेक्षता, लोकतान्त्रिक गणतन्त्र र संघीयतालाई नयाँ संविधानमा अपरिवर्तनीय धाराको रुपमा उल्लेख गरिनुपर्ने, नेपाल सरकारले अनुमोदन गरिसकेका अन्तर्राष्टिय अभिसन्धी १६९ र संयुक्त राष्टसंघको आदिवासी जनजातिको मानव अधिकार सम्बन्धी घोषणापत्रलाई मौलिक हकमा आदिवासी जनजातिको मौलिक हकको रुपमा समावेश गरी तत्काल कार्यतालिका निमार्ण गरी कार्यान्वयनको प्रतिवद्धता जाहेर हुनुपर्ने, आदिवासी जनजातिमाथि भएको शोषण, दमन र उत्पीडनबाट मुक्त गरी सामाजिक न्यायसहितको समतामुलक समाज निर्माण, राज्यसत्ताको सबै तह र तप्कमा सबै अदिवासी जनजातिका समानुपातिक प्रतिनिधित्व ग्यारेन्टी र जाती भाषा र ऐतिहासिक पहिचानको आधारमा राज्य पुनर्संरचनाको सुनिश्चित भएको संविधान थपेको समय अगाडि नै जारी गराउन र संविधानका प्रारम्भिक मस्यौदा जनताको घरदैलोमा गथाशिघ्र वितरण गर्न संविधानसभामा प्रतिनिधित्व गर्ने सबै राजनीतिक दलहरुको ध्यानाकर्षण गर्ने उद्देश्यले आयोजित एक महिने आन्दोलनका कार्यक्रमहरुमा सहभागी भई नैतिक समर्थन र ऐक्यवद्धताका लागि समेत हार्दिक अपील गर्दछौ।  

राजकुमार लेखी थारु  सयोजक,  
विश्व आदिवासी दिवस २०६७
मूल आयोजक समिति तथा अध्यक्ष,
नेपाल आदिवासी जनजाति महासंघ